საქართველოს უზენაესი სასამართლო
არასრულწლოვანთა მართლმსაჯულების კოდექსთან დაკავშირებით სამუშაო შეხვედრა გაიმართა
გამოქვეყნებულია: 14/09/2015
2015 წლის 12-13 სექტემბერს გუდაურში, სასტუმრო „მარკო პოლოში“ არასრულწლოვანთა მართლმსაჯულების კოდექსთან დაკავშირებით სამუშაო შეხვედრა გაიმართა.
შეხვედრა გახსნა და სამუშაო სესიების დიდი ნაწილი წარმართა უზენაესი სასამართლოს თავმჯდომარე ნინო გვენეტაძემ.
შეხვედრის მონაწილეებს მისასალმებელი სიტყვით მიმართეს მოსამართლე რენატე უინტერმა, რომელსაც დიდი წვლილი მიუძღვის არასრულწლოვანთა მართლმსაჯულების კოდექსის შექმნაში, ასევე გაეროს ბავშვთა ფონდის წარმომადგენლის მოადგილე დიანა დურიჩმა და ევროკავშირის პროექტის მენეჯერმა თამარ ხულორდავამ.
სამუშაო შეხვედრაზე მუხლობრივად განიხილეს არასრულწლოვანთა მართლმსაჯულების კოდექსი. შეხვედრის ბოლოს გაიმართა შემაჯამებელი დისკუსია.