საქართველოს უზენაესი სასამართლო
ელექტრონული პროგრამების პრეზენტაცია უზენაეს სასამართლოში
გამოქვეყნებულია: 29/09/2011
უკვე სახლიდან გაუსვლელად, უზენაესი სასამართლოს ვებგვერდიდან მოსახლეობას საშუალება ექნება, მოიძიოს მისთვის საინტერესო სასამართლო გადაწყვეტილებები, მათ შორის ათეული წლების წინ დაარქივებული მასალებიც.
აღნიშნული პროგრამების პრეზენტაცია 29 სექტემბერს, 12 საათზე უზენაეს სასამართლოში გაიმართა. პრეზენტაციას საერთაშორისო და ქართული არასამთავრობო ორგანიზაციების წარმომადგენლები და ადვოკატები დაესწრნენ.
წარმოდგენილი საძიებო პროგრამების საშუალებით, დაინტერესებულ პირებს შეუძლიათ მოიძიონ, როგორც უზენაესი სასამართლოს ბოლო პერიოდის გადაწყვეტილებები, ასევე ისარგებლონ არქივის საძიებო სისტემით და გაეცნონ 1971-2005 წლებში განხილულ განსაკუთრებით მძიმე კატეგორიის სისხლის სამართლის საქმეებს.
უზენაესი სასამართლოს არქივში დაცულია ისეთი გახმაურებული საქმეები, როგორიცაა: ძიუდოში ევროპის ჩემპიონის საქმე, სხვადასხვა დანაშაულებებში ბრალდებული მხედრიონელების საქმეები და, ასევე 70 წლების პარტიული მაღალჩინოსნების საქმეები, რომლებიც ქრთამის ბრალდებით დახვრიტეს.
ამ და კიდევ ბევრი საინტერესო საქმის გაცნობა 29 სექტემბრიდან დაინტერესებულ პირებს უკვე ინტერნეტის საშუალებით შეეძლებათ. პროგრამის გამოყენება მარტივია და იგი კიდევ უფრო მეტად გაზრდის სასამართლოს ხელმისაწვდომობას.