საქართველოს უზენაესი სასამართლო
უზენაეს სასამართლოში სტიქიის შედეგად დაზარალებულთა დახმარების შტაბი შეიქმნა
გამოქვეყნებულია: 15/06/2015
საქართველოს უზენაესი სასამართლო ღრმა მწუხარებას გამოხატავს თბილისში სტიქიის შედეგად დაღუპული მოქალაქეების გამო და გულწრფელ სამძიმარს უცხადებს გარდაცვლილთა ოჯახებს.
საქართველოს უზენაეს სასამართლოში შეიქმნა სტიქიის შედეგად დაზარალებულთა დახმარების შტაბი, სადაც შეგროვდება საჭირო ნივთები. აქციაში ჩაებმებიან უზენაესი სასამართლოს, თბილისის სააპელაციო და საქალაქო სასამართლოს მოსამართლეები და თანამშრომლები. აქციაში ჩაბმის სურვილი გამოთქვეს თბილისთან ახლოსმდებარე სასამართლოებმაც.