საქართველოს უზენაესი სასამართლო
გერმანელი და ქართველი მოსამართლეების სამუშაო შეხვედრა
გამოქვეყნებულია: 08/06/2015
2015 წლის 8 ივნისს უზენაეს სასამართლოში გაიმართა ქართველი და გერმანელი მოსამართლეების სამუშაო შეხვედრა, რომელიც საკასაციო საჩივრის დაუშვებლად ცნობის შესახებ განჩინების დასაბუთების საკითხებს შეეხება.
გერმანელი მოსამართლეების დელეგაციას ხელმძღვანელობს საქსონიის უმაღლესი სამხარეო სასამართლოს თავმჯდომარე ულრიხ ჰაგენლოხი.
შეხვედრაზე ასევე განიხილეს დაუსწრებელ გადაწყვეტილებასთან დაკავშირებული პრაქტიკაში არსებული პრობლემები, მოსამართლეთა სპეციალიზაციის დადებით და უარყოფითი მხარეები. შეხვედრაში მონაწილეობენ სამივე ინსტანციის მოსამართლეები. შეხვედრა ორგანიზებულია გერმანიის საერთაშორისო თანამშრომლობის საზოგადოების (GIZ) მხარდაჭერით.