საქართველოს უზენაესი სასამართლო
მილოცვა თბილისის საქალაქო სასამართლოს 10 წლის იუბილესთან დაკავშირებით
გამოქვეყნებულია: 06/05/2015
2015 წლის 5 მაისს თბილისის საქალაქო სასამართლოს დაარსებიდან 10 წელი გავიდა. საქართველოს უზენაესი სასამართლოს თავმჯდომარე ქალბატონი ნინო გვენეტაძე და სასამართლოს თანამშრომლები ულოცავენ ამ ღირშესანიშნავ დღეს კოლეგებს და უსურვებენ წარმატებებს პროფესიულ საქმიანობაში.
თბილისის საქალაქო სასამართლოს მოსამართლეებისა და თითოეული თანამშრომლის ღვაწლი განსაკუთრებით მნიშვნელოვანია ქართული მართლმსაჯულების მაღალი სტანდარტის დასამკვიდრებლად და სასამართლო ხელისუფლების მიმართ საზოგადოების ნდობის განმტკიცებისთვის.
ვუსურვებთ სასამართლოს კოლექტივს ღირსეულად განეხორციელებინოთ თავიანთი მოვალეობა ქართული მართლმსაჯულების სამსახურში.
უზენაესი სასამართლოს ადმინისტრაცია