საქართველოს უზენაესი სასამართლო
უზენაესი სასამართლოს თავმჯდომარე გაეროს ლტოლვილთა უმაღლესი კომისარიატის წარმომადგენლებს შეხვდა
გამოქვეყნებულია: 29/04/2015
უზენაესი სასამართლოს თავმჯდომარე 21 აპრილს საქართველოში გაეროს მისიას - ლტოლვილთა უმაღლესი კომისარიატის წარმომადგენლებს ჰაი შელოუსა და ინა ბორისევიჩს შეხვდა.
კომისარიატის წარმომადგენლებმა მიულოცეს ნინო გვენეტაძეს მაღალ და საპასუხისმგებლო პოზიციაზე არჩევა.
ჰაი შელოუმ აღნიშნა, რომ მეორედ არის გაეროს მისია საქართველოში და მისი ძირითადი ამოცანაა, როგორც ქვეყნის შიგნით გადაადგილებული პირების, ისე ლტოლვილებისა და თავშესაფრის მაძიებელთა ფიზიკური და სამართლებრივი დაცვა.
უზენაესი სასამართლოს თავმჯდომარემ მადლობა გადაუხადა გაეროს მისიას საქართველოში განხორციელებული საქმიანობისათვის, აღნიშნა შიდაეროვნული და საერთაშორისო კანონმდებლობის ჰარმონიზაციის, ერთგვაროვანი სასამართლო პრატქიკის ჩამოყალიბების მნიშვნელობა ზემოხსენებული კატეგორიის პირთა საქმეებზე.