საქართველოს უზენაესი სასამართლო

უზენაესი სასამართლოს თავმჯდომარის ვიზიტი ბათუმსა და ქუთაისში

გამოქვეყნებულია: 30/03/2015

საქართველოს უზენაესი სასამართლოს თავმჯდომარე ნინო გვენეტაძე 30 მარტს ხელვაჩაურის რაიონულ სასამართლოს ესტუმრება, ადგილზე გაეცნობა სასამართლოს ინფრასტრუქტურას, აქტუალურ საკითხებს, რაც მნიშვნელოვანია მოსამართლეთა, სასამართლოს მოხელეთა საქმიანობისათვის, მოქალაქეთა ეფექტიანი და სწრაფი მომსახურებისათვის.

იმავე დღეს უზენაესი სასამართლოს თავმჯდომარე ბათუმში საკონსტიტუციო სასამართლოს ეწვევა და დაესწრება საკონსტიტუციო სასამართლოს ახლადარჩეული წევრის მერაბ ტურავას ფიცის დადების ცერემონიალს.

31 მარტს უზენაესი სასამართლოს თავმჯდომარე ნინო გვენეტაძე ქუთაისში საქართველოს პარლამენტის წინაშე საქართველოს პრეზიდენტის გიორგი მარგველაშვილის ყოველწლიური მოხსენების წარდგენას დაესწრება.