საქართველოს უზენაესი სასამართლო
განაჩენის დასაბუთებულობის სტანდარტებთან დაკავშირებით სამუშაო ჯგუფის შეხვედრა გაიმართა
გამოქვეყნებულია: 12/01/2015
2015 წლის 12 იანვარს სასტუმრო „ქორთიარდ მარიოტში“ განაჩენის დასაბუთებულობის სტანდარტებთან დაკავშირებით სამუშაო ჯგუფის შეხვედრა გაიმართა, რომელიც უზენაესი სასამართლოს თავმჯდომარე კონსტანტინე კუბლაშვილმა გახსნა.
განაჩენის დასაბუთებულობის სტანდარტებთან დაკავშირებით სამუშაო ჯგუფი დაახლოებით ერთი წლის წინ შეიქმნა და ამ ჯგუფის მიერ უკვე მომზადდა მნიშვნელოვანი რეკომენდაციები და წინადადებები, რომელთა მომზადების დროს გათვალისწინებული იქნა საერთაშორისო გამოცდილება. 12 იანვრის შეხვედრაზე ევროპის საბჭოს ექსპერტმა სტრასბურგის ადამიანის უფლებათა სასამართლოს გადაწყვეტილებების დასაბუთებულობის სტანდარტებთან დაკავშირებით პრეზენტაცია წარმოადგინა.
შეხვედრა ორგანიზებული იყო ევროპის საბჭოს პროექტის - „მართლმსაჯულების სისტემის დამოუკიდებლობისა და ეფექტიანობის გაძლიერება საქართველოში“ მიერ.