საქართველოს უზენაესი სასამართლო
საქართველოს უზენაესი სასამართლო ფარული საგამოძიებო მოქმედებების რეესტრის მონაცემებს აქვეყნებს
გამოქვეყნებულია: 30/12/2014
საქართველოს უზენაესი სასამართლო ასრულებს თავის ვალდებულებას, რომელიც მას საქართველოს სისხლის სამართლის საპროცესო კოდექსში 2014 წლის 1-ელ აგვისტოს შესული ცვლილებით დაეკისრა და ფარული საგამოძიებო მოქმედებების რეესტრის მონაცემებს აქვეყნებს, რომელიც მოიცავს 2014 წლის 18 აგვისტოდან პირველ დეკემბრამდე პერიოდს.
რეესტრის მონაცემები შეიცავს ინფორმაციას ფარული საგამოძიებო მოქმედებების ჩატარებასთან დაკავშირებით სასამართლოებში შესული შუამდგომლობებისა და სასამართლოთა მიერ მათზე მიღებული განჩინებების შესახებ, აგრეთვე ინფორმაციას ოპერატიულ-სამძებრო ღონისძიებების შედეგად მოპოვებული მასალის განადგურების თაობაზე.
2014 წლის დეკემბრის ჩათვლით რეესტრის მონაცემები გამოქვეყნდება 2015 წლის იანვარში.