საქართველოს უზენაესი სასამართლო
სამუშაო ჯგუფის წევრებმა მოსამართლეთა სოციალური დაცვის გარანტიებზე იმსჯელეს
გამოქვეყნებულია: 15/12/2014
2014 წლის 15 დეკემბერს სასტუმრო „ქორთიარდ მარიოტში“ მოსამართლეთა სოციალური დაცვის გარანტიებთან ( საპენსიო უზრუნველყოფა) დაკავშირებით სამუშაო ჯგუფის შეხვედრა გაიმართა. შეხვედრა საქართველოს მოსამართლეთა ასოციაციის ეგიდით ჩატარდა. ჯგუფის წევრებს უზენაესი სასამართლოს თავმჯდომარე კონსტანტინე კუბლაშვილმა და საქართველოს მოსამართლეთა ასოციაციის თავმჯდომარე ზაზა მეიშვილმა მისასალმებელი სიტყვით მიმართეს.
ჯგუფის წევრებმა აღნიშნულ საკითხთან დაკავშირებით მომზადებული კანონპროექტი განიხილეს, ასევე, იმსჯელეს კანონპროექტთან დაკავშირებულ ალტერნატიულ წინადადებებზე.
შეხვედრის ბოლოს სამუშაო ჯგუფის წევრებმა სამომავლო გეგმები დასახეს.