საქართველოს უზენაესი სასამართლო
თბილისის საქალაქო სასამართლოში მოსამართლეთა კონფერენცია ჩატარდა
გამოქვეყნებულია: 31/07/2011
2011 წლის 30 ივლისს, თბილისის საქალაქო სასამართლოში ჩატარდა საქართველოს მოსამართლეთა კონფერენცია.
კანონის თანახმად, მოსამართლეთა კონფერენცია წელიწადში ერთხელ იმართება და მოსამართლეები სასამართლო ხელისუფლების პირველი პირებისგან წლის შედეგების შესახებ ინფორმაციას იღებენ.
კონფერენციაზე მოსამართლეებს სიტყვით მიმართა უზენაესი სასამართლოს თავმჯდომარე კონსტანტინე კუბლაშვილმა, რომელმაც სისტემაში განხორციელებული ცვლილებებისა და მომავალი გეგმების შესახებ ისაუბრა.
კონფერენციის მონაწილეებმა აირჩიეს ადმინისტრაციული კომიტეტის და იუსტიციის უმაღლესი საბჭოს წევრები.
კონფერენციის მიმდინარეობის პარალელურად, თბილისის საქალაქო სასამართლოს ფოიეში მოეწყო საერთო სასამართლოების მოსამართლეთა ფოტოების გამოფენა.