საქართველოს უზენაესი სასამართლო
მოსამართლეთა დანიშვნისა და დაწინაურების კრიტერიუმებთან დაკავშირებით სამუშაო ჯგუფის შეხვედრა გაიმართა
გამოქვეყნებულია: 09/12/2014
2014 წლის 9 დეკემბერს სასტუმრო „თბილისი მარიოტში“ მოსამართლეთა დანიშვნისა და დაწინაურების კრიტერიუმებთან და პროცედურებთან დაკავშირებით სამუშაო ჯგუფის შეხვედრა გაიმართა. შეხვედრა მისასალმებელი სიტყვით გახსნეს უზენაესი სასამართლოს თავმჯდომარემ კონსტანტინე კუბლაშვილმა, უზენაესი სასამართლოს თავმჯდომარის პირველმა მოადგილემ და ამავდროულად, საქართველოს მოსამართლეთა ასოციაციის თავმჯდომარემ, ზაზა მეიშვილმა.
სამუშაო ჯგუფის წევრებმა განიხილეს საერთაშორისო ორგანიზაციების, მათ შორის ვენეციის კომისიისა და ეუთოს პოზიციები აღნიშნულ საკითხთან დაკავშირებით. ასევე, ევროპულ ქვეყნებში არსებული პრაქტიკა მოსამართლეთა დანიშვნისა და დაწინაურების კრიტერიუმების შესახებ.
შეხვედრას იუსტიციის უმაღლესი საბჭოს წევრები და საერთაშორისო ორგანიზაციის წარმომადგენლები ესწრებოდნენ.