საქართველოს უზენაესი სასამართლო

უზენაესი სასამართლოს თავმჯდომარის განცხადება

გამოქვეყნებულია: 11/10/2014

უზენაესი სასამართლოს თავმჯდომარე კონსტანტინე კუბლაშვილი, რომელიც რომში ვენეციის კომისიის 100 წლის საიუბილეო ღონისძიებას ესწრება,  ეხმაურება იუსტიციის მინისტრის ქ-ნ თეა წულუკიანის განცხადებას,რომელიც მინისტრმა აღნიშნულ ღონისძიებაზე  გააკეთა.

წულუკიანმა  თავის მოხსენებაში  სამინისტროს მიერ მომზადებული პროექტი, რომელიც „საქართველოს საერთო სასამართლოების შესახებ“კანონში რიგ ცვლილებებს ითვალისწინებს შეაფასა, როგორც სასამართლოს დამოუკიდელობისთვის გადადგმული მნიშვნელოვანი ნაბიჯი. 

უზენაესი სასამართლოს თავმჯდომარე საერთო სასამართლოების კანონში შესატან ცვლილებებთან დაკავშირებით აღნიშნავს, რომ  კანონპროექტი  არ უწყობს ხელს  სასამართლოს დამოუკიდებლობის გაძლიერებას   და იმედოვნებს, რომ საბოლოო ვერსიის წარდგენისას  გათალისწინებული იქნება ვენეციის კომისიის  შენიშვნები და რეკომენდაციები.

სასამართლო ხელისუფლება უკვე წლების მანძილზე აქტიურად თანამშრომლობს ევროპის საბჭოსთან არსებულ ვენეციის კომისიასთან და ამ კომისიის არაერთი დასკვნა და რეკომენდაცია იქნა გათვალისწინებული სასამართლო ხელისუფლების მიერ.