საქართველოს უზენაესი სასამართლო
საქართველოს უზენაეს სასამართლოში წლის შემაჯამებელი ბრიფინგი გაიმართა
გამოქვეყნებულია: 30/12/2013
2013 წლის 30 დეკემბერს საქართველოს უზენაეს სასამართლოში წლის შემაჯამებელი ბრიფინგი გაიმართა. უზენაესი სასამართლოს თავმჯდომარე კონსტანტინე კუბლაშვილმა მედიის წარმომადგენლებს 2013 წელს სასამართლო სისტემაში განხორციელებული მნიშვნელოვანი წარმატებების შესახებ ესაუბრა. „მიმდინარე წელმა დაადასტურა, რომ 2005 წელს დაწყებული სასამართლო რეფორმა სწორი და მიზანმიმართული იყო, როგორც ინფრასტრუქტურის, ფუნქციონალური, ისე დამოუკიდებლობის გაძლიერების თვალსაზრისით. 2005 წლიდან დაწყებული სასამართლო სისტემა ვითარდებოდა, და მიუხედავად იმისა, რომ იყო ბევრი პრობლემა, დღეს შეგვიძლია განვაცხადოთ, რომ სასამართლო სისტემამ გაუძლო ზეწოლას და ჩვენ დღეს გვაქვს სასამართლო, რომელიც ქვეყნის დემოკრატიის ერთ-ერთი უმთავრესი გარანტიაა. 2014 წელს ჩვენს წინაშე კიდევ ბევრი გამოწვევა დგას და იმედი მაქვს, რომ სასამართლო სისტემა ამ გამოწვევებსაც ღირსეულად შეხვდება.“
წლის შემაჯამებელ ბრიფინგზე უზენაესი სასამართლოს თავჯდომარემ ჟურნალისტების კითხვებსაც უპასუხა.