საქართველოს უზენაესი სასამართლო
საქართველოს პრეზიდენტი სასამართლო რეფორმას აფასებს
გამოქვეყნებულია: 01/07/2011
2011 წლის 24 ივნისს, საკონსტიტუციო სასამართლოს იუბილეზე, რომელიც ქალაქ ბათუმში გაიმართა, საქართველოს პრეზიდენტმა მიხეილ სააკაშვილმა სასამართლო სისტემაში განხორციელებული რეფორმის შესახებ ისაუბრა.
პრეზიდენტმა სასამართლო სისტემის მიმართ მოქალაქეების გაზრდილი ნდობა მართლმსაჯულების რეფორმის წარმატებულ ნაბიჯად შეაფასა. მიხეილ სააკაშვილის განცხადებით, სასამართლოს გარედან შეფასება სხვა ინსტიტუციებისაგან განსხვავებით საკმაოდ რთულია, რადგან მოსახლეობის დიდ ნაწილს არ აქვს შეხება სასამართლოსთან და უშუალოდ ვერ აღიქვამს სისტემაში მიმდინარე სასიკეთო ნაბიჯებს, თუმცა ამის მიუხედავად, სასამართლოს მიმართ მოსახლეობის ნდობა საკმაოდ გაიზარდა.