საქართველოს უზენაესი სასამართლო

საქართველოს უზენაესი სასამართლოს გადაწყვეტილებათა განზოგადების შედეგებისა და წლიური სტატისტიკური მონაცემების პრეზენტაცია

გამოქვეყნებულია: 19/12/2013

      2013 წლის 19 დეკემბერს, სასტუმრო „თბილისი მარიოტში“, სასამართლოსთან თანამშრომლობის ჯგუფის შეხვედრა გაიმართა, რომელსაც  საერთაშორისო და ადგილობრივი არასამთავრობო ორგანიზაციათა წარმომადგენლები, პრაქტიკოსი იურისტები, მოსამართლეები და  იუსტიციის უმაღლესი საბჭოს წევრები დაესწრნენ.

    შეხვედრის პირველ ნაწილში, უზენაესი სასამართლოს თავმჯდომარის პირველმა მოადგილე ზაზა მეიშვილმა  წარმოადგინა სასამართლოს  პრაქტიკის დამდგენი სისხლისსამართლებლივ საქმეთა კრებული. აღნიშნული კრებული, ერთის მხრივ, ხელს შეუწყობს კონკრეტულ სისხლისსამართლებლივ საკითხებზე ერთიანი პრაქტიკის დამკვიდრებას, მეორეს მხრივ, დაეხმარება მოსამართლეებს, სისხლის სამართლის დარგში მოღვაწე პრაქტიკოს იურისტებსა და იურიდიული ფაკულტეტის სტუდენტებს.

      შეხვედრის მეორე ნაწილში,  უზენაესი სასამართლოს  თავმჯდომარე კონსტანტინე  კუბლაშვილმა  წარმოადგინა სასამართლოს საქმიანობის 11 თვის სტატისტიკა.  კონსტანტინე კუბლაშვილმა მოწვეულ სტუმრებს  გააცნო მიმდინარე  წლის განმავლობაში სასამართლოში შემოსული და განხილული საქმეთა რაოდენობა და დინამიკა, შეფარდებულ სასჯელთა პროცენტული რაოდენობა და სხვა მნიშვნელოვანი მონაცემები.