საქართველოს უზენაესი სასამართლო
უზენაესი სასამართლო გამჭვირვალობის რეიტინგში წამყვან პოზიციას იკავებს
გამოქვეყნებულია: 17/09/2013
ინფორმაციის თავისუფლების განვითარების ინსტიტუტმა ( IDFI) საჯარო დაწესებულებების გამჭვირვალობის რეიტინგი გამოაქვეყნა. აღნიშნული რეიტინგის მიხედვით, საქართველოს უზენაეს სასამართლოს გამჭვირვალობის რეიტინგში 94 პროცენტი აქვს მინიჭებული.
ინფორმაციის თავისუფლების განვითარების ინსტიტუტმა გამჭვირვალობის რეიტინგი პროექტის „საჯარო ინფორმაციის მონაცემთა ბაზა - www.opendata.ge“ -ის ფარგლებში განახორციელა. პროექტის მიზანი გახლდათ, საქართველოში ინფორმაციის თავისუფლებისა და საჯარო ინფორმაციის ხელმისაწვდომობის განვითარება.
პროექტის ფარგლებში უზენაესი სასამართლოდან გამოთხოვილი ინფორმაციების ანალიზის მიხედვით, მხოლოდ ერთადერთი ინფორმაცია იქნა მიჩნეული არასრულყოფილად.
სასამართლო ხელისუფლება კანონის მოთხოვნათა დაცვით, მათ შორის ელექტრონული რესურსების გამოყენებით, ზრუნავს რათა საერთო სასამართლოების პოზიციები გამჭვირვალობის რეიტინგში კიდევ უფრო მაღალი იყოს.