საქართველოს უზენაესი სასამართლო

მოსამართლეთა XI (რიგგარეშე) კონფერენცია ჩატარდა

გამოქვეყნებულია: 22/07/2013

2013 წლის 21 ივლისს თბილისის საქალაქო სასამართლოში მოსამართლეთა XI (რიგგარეშე) კონფერენცია  ჩატარდა.

კონფერენცია გახსნა და დამსწრეებს მისასალმებელი სიტყვით მიმართა უზენაესი სასამართლოს თავმჯდომარემ კონსტანტინე კუბლაშვილმა.

მოსამართლეთა კონფერენცია უფლებამოსილია განიხილოს საკითხი და მიიღოს გადაწყვეტილება თუ მის სხდომას ესწრება საერთო სასამართლოების მოსამართლეთა ნახევარზე მეტი.

კონფერენციას 153 მოსამართლე დაესწრო, რაც კანონის თანახმად, საკმარისი იყო დღის წესრიგით გათვალისწინებული საკითხების განსახილველად.  

კონფერენციის დღის წესრიგი ითვალისწინებდა  შემდეგ საკითხებს: „საქართველოს საერთო სასამართლოების მოსამართლეთა სადისციპლინო კოლეგიის საქმიანობის წესის“ შესახებ პროექტის დამტკიცებას   და  მოსამართლეთა კონფერენციის ადმინისტრაციული კომიტეტის წევრების არჩევას.

მოსამართლეებმა 134 ხმით დაამტკიცეს  „საქართველოს საერთო სასამართლოების მოსამართლეთა სადისციპლინო კოლეგიის საქმიანობის წესი“, და ასევე აირჩიეს ადმინისტრაციული კომიტეტის ორი წევრი: ნატა თედეშვილი (141 ხმა) და გიორგი დარახველიძე (143 ხმა).