საქართველოს უზენაესი სასამართლო
საქართველოს მოსამართლეთა XXVIII რიგგარეშე კონფერენცია
გამოქვეყნებულია: 22/10/2020
2020 წლის 22 ოქტომბერს, საქართველოს უზენაეს სასამართლოში გაიმართა საქართველოს მოსამართლეთა კონფერენციის ადმინისტრაციული კომიტეტის სხდომა.
ადმინისტრაციულმა კომიტეტმა 2020 წლის 22 ოქტომბერს სხდომაზე დაამტკიცა:
- მოსამართლეთა კონფერენციისა და ადმინისტრაციული კომიტეტის სამდივნოს შემადგენლობა, საქართველოს მოსამართლეთა XXVIII რიგგარეშე კონფერენციის ჩატარების თარიღი - 2020 წლის 30 ოქტომბერი (მოსამართლეთა რეგისტრაცია დაიწყება 11:00 საათზე, ხოლო კონფერენცია გაიხსნება 12:00 საათზე), ადგილი - იუსტიციის უმაღლესი სკოლა, მის.: თბილისი, ნოდარ ბოხუას ქუჩა №19;
- საქართველოს იუსტიციის უმაღლესი საბჭოს 2 (ორი) მოსამართლე წევრის, ასევე საქართველოს მოსამართლეთა კონფერენციის ადმინისტრაციული კომიტეტის 1 (ერთი) წევრის და საქართველოს იუსტიციის უმაღლესი საბჭოს მდივნის არჩევნების (ხელახალი არჩევნების) საარჩევნო ბიულეტენებისა და შემაჯამებელი ოქმების ნიმუშები;
- ასევე ადმინისტრაციულმა კომიტეტმა ცნობად მიიღო საქართველოს იუსტიციის უმაღლესი საბჭოს მიერ მოწოდებული „საქართველოს სამოსამართლო ეთიკის წესების“ პროექტი, რომელიც საქართველოს მოსამართლეთა კონფერენციას წარედგინება დასამტკიცებლად;
კონფერენციის მუშაობა იქნება საჯარო და გამჭვირვალე. კონფერენციაზე დასწრების მსურველმა პირებმა, არასამთავრობო და საერთაშორისო ორგანიზაციების წარმომადგენლებმა, ჟურნალისტებმა, კონფერენციის ჩატარებამდე 1 დღით ადრე (29 ოქტომბრის, 18:00 საათამდე) წარმოადგინეთ თქვენი კანდიდატურა.
აკრედიტაციისათვის მიმართეთ საქართველოს მოსამართლეთა კონფერენციისა და ადმინისტრაციული კომიტეტის სამდივნოს შემდეგ მისამართზე - ქ. თბილისი, ძმები ზუბალაშვილების ქუჩა №6.
საკონტაქტო პირი:
თორნიკე ქოჩქიანი - kochkiani.tornike@gmail.com; ტელ: 598 46 53 51.
იხილეთ საქართველოს მოსამართლეთა XXVIII რიგგარეშე კონფერენციის დღის წესრიგი;