საქართველოს უზენაესი სასამართლო
მართლმსაჯულების საკოორდინაციო საბჭოს ბენჩ-ბარ ფორმატის პირველი შეხვედრა გაიმართა
გამოქვეყნებულია: 02/10/2020
მიმდინარე წლის 2 ოქტომბერს მართლმსაჯულების საკოორდინაციო საბჭოს ბენჩ-ბარ ფორმატის პირველი შეხვედრა გაიმართა, სადაც საქართველოს უზენაესი სასამართლოს თავმჯდომარემ, ნინო ქადაგიძემ, საქართველოს გენერალურმა პროკურორმა, ირაკლი შოთაძემ, საქართველოს ადვოკატთა ასოციაციის თავმჯდომარემ, დავით ასათიანმა, მოსამართლეებმა, პროკურორებმა, ადვოკატებმა და საერთაშორისო პარტნიორებმა ნაფიც მსაჯულთა სასამართლო სისტემასთან დაკავშირებული აქტუალური საკითხები განიხილეს.
აღსანიშნავია, რომ ევროპის საბჭოსა და USAID/PROLOG-ის მხარდაჭერით, საქართველოს უზენაესი სასამართლოს თავმჯდომარემ, საქართველოს გენერალურმა პროკურორმა და საქართველოს ადვოკატთა ასოციაციის თავმჯდომარემ 2020 წლის 16 ივლისს ხელი მოაწერეს მართლმსაჯულების საკოორდინაციო საბჭოს დაარსების თაობაზე მემორანდუმს, რომლითაც საფუძველი ჩაეყარა ე.წ. ბენჩ-ბარ ფორმატის ინსტიტუციონალიზაციას.