საქართველოს უზენაესი სასამართლო
დისკრიმინაციის ნიშნით შეუწყნარებლობის მოტივით ჩადენილი დანაშაულის სტატისტიკის წარმოებისა და ერთიანი ანგარიშის გამოცემის შესახებ თანამშრომლობის მემორანდუმი გაფორმდა
გამოქვეყნებულია: 23/09/2020
მიმდინარე წლის 23 სექტემბერს, ევროპის საბჭოს პროექტის ფარგლებში, საქართველოს უზენაესი სასამართლოს თავმჯდომარემ, ნინო ქადაგიძემ, საქართველოს გენერალურმა პროკურორმა, ირაკლი შოთაძემ, საქართველოს შინაგან საქმეთა მინისტრმა, ვახტანგ გომელაურმა და საქართველოს სტატისტიკის ეროვნული სამსახურის აღმასრულებელმა დირექტორმა, გოგიტა თოდრაძემ დისკრიმინაციის, სიძულვილით მოტივირებული დანაშაულის სრულყოფილად აღრიცხვის მიზნით ურთიერთთანამშრომლობის მემორანდუმს ხელი მოაწერეს.
მემორანდუმით გათვალისწინებულია უწყებების ანგარიშვალდებულება ერთმანეთის მიმართ ინფორმაციის გაზიარების თაობაზე. მემორანდუმის მიზანია შეუწყნარებლობის მოტივით ჩადენილი დანაშაულის შესახებ მონაცემების შეგროვება, დამუშავება და ერთიანი სტატისტიკური ანგარიშის მომზადება.