საქართველოს უზენაესი სასამართლო
უზენაესი სასამართლოს მოსამართლეებისთვის ვებინარი გაიმართა
გამოქვეყნებულია: 16/06/2020
15 ივნისს საქართველოს უზენაესი სასამართლოს მოსამართლეებისა და ანალიტიკური სამსახურის თანამშრომლებისთვის, ადამიანის უფლებათა ევროპული სასამართლოს უახლესი პრაქტიკის საკითხებზე ვებინარი გაიმართა. შეხვედრას უძღვებოდა ადამიანის უფლებათა ევროპული სასამართლოს იურისტი გიორგი ბადაშვილი, რომელმაც ისაუბრა ისეთ აქტუალურ საკითხებზე, როგორიცაა ევროპული კონვენციის მე-6 (საქმის სამართლიანი განხილვის უფლება) და მე-8 (პირადი და ოჯახური ცხოვრების დაცულობის უფლება) მუხლების ფარგლებში სასამართლოს 2019-2020 წლების პრეცედენტული გადაწყვეტილებები.
შეხვედრა გაიმართა ევროპის საბჭოს პროექტის „სისხლის სამართლის მართლმსაჯულების რეფორმის მხარდაჭერა - სასამართლო რეფორმის სისხლის- სამართლებრივი ასპექტები“-ს ფარგლებში.