საქართველოს უზენაესი სასამართლო

სამეცნიერო კონფერენცია სამოქალაქო საპროცესო სამართლის საკითხებზე

გამოქვეყნებულია: 07/06/2012

2012 წლის 7 ივნისს, სასტუმრო „ქორთიართდ მერიოტში“ ივანე ჯავახიშვილის სახელობის თბილისის სახელმწიფო უნივერსიტეტის იუირიდიული ფაკულტეტისა და გერმანიის საერთაშორისო თანამშრომლობის საზოგადოების (GIZ) ორგანიზებით და მისივე ფინანსური მხარდაჭერით სამეცნიერო კონფერენცია „ქართული სამოქალაქო საპროცესო სამართალი და მისი განვითარების თანამედროვე ტენდენციები“ ჩატარდა. 

კონფერენციის მონაწილეებს უზენაესი სასამართლოს თავმჯდომარე კონსტანტინე კუბლაშვილი მიესალმა და კონფერენციის მნიშვნელობის შესახებ ისაუბრა. მომხსენებელთა გამოსვლები უმთავრესად შეეხებოდა საქართველოს სამოქალაქო საპროცესო კოდექსში შესულ ცვლილებებს. 

კონფერენციის მსვლელობისას გამართულ დისკუსიაში მონაწილეობა მიიღეს მოწვეულმა ადვოკატებმა, პრაქტიკოსმა იურისტებმა, პროფესორ მასწავლებლებმა და იმ საერთაშორისო ორგანიზაციებმა, რომელთაც ამ საკითხებთან აქვთ შეხება.