საქართველოს უზენაესი სასამართლო
საქართველოს უზენაესი სასამართლოს ინფორმაცია
გამოქვეყნებულია: 08/04/2020
საქართველოს უზენაესი სასამართლოს თავმჯდომარე ქალბატონი ნინო ქადაგიძე და უზენაესი სასამართლოს მოსამართლეები საწყის ეტაპზევე ჩაერთვნენ სამოქალაქო სოლიდარობის აქციაში, რომელიც საქართველოში კორონავირუსის პანდემიით გამოწვეული მძიმე სოციალური მდგომარეობის დაძლევას ემსახურება და მათ მიერ მიმდინარე წლის მარტში, კორონავირუსის საქართველოში გავრცელების პრევენციის ფონდში - Stop.Cov.ge. - 22 ათასი ლარი გადაირიცხა.
უზენაესი სასამართლოს თავმჯდომარე და მოსამართლეები კვლავ აქტიურად განაგრძობენ აღნიშნულ აქციაში მონაწილეობას, ჩვენი მოქალაქეების მიმართ ამ მძიმე სოციალურ ვითარებაში მხარდაჭერის გამოხატვის მიზნით.