საქართველოს უზენაესი სასამართლო
უზენაეს სასამართლოს სკოლის მოსწავლეები და სტუდენტები სტუმრობდნენ
გამოქვეყნებულია: 18/12/2019
18 დეკემბერს საქართველოს უზენაეს სასამართლოს არასამთავრობო ორგანიზაცია ,,კარიერის დაგეგმვის ცენტრის“ (ხელმძღვანელი მერი ტარიელაშვილი) და კავკასიის საერთაშორისო უნივერსიტეტის სამართლის ფაკულტეტის (პროფესორი მარინე კვაჭაძე) ორგანიზებით თბილისის საჯარო სკოლების მოსწავლეები და სამართლის ფაკულტეტის სტუდენტები ესტუმრნენ.
სკოლის მოსწავლეებსა და სამართლის ფაკულტეტის სტუდენტებს შეხვდა უზენაესი სასამართლოს სისხლის სამართლის საქმეთა საკასაციო პალატის მოსამართლე გიორგი შავლიაშვილი.
მოსამართლემ დეტალური ინფორმაცია მიაწოდა დამსწრე აუდიტორიას მოსამართლის პროფესიის, მოსამართლის დატვირთული დღის რეჟიმის, სამოსამართლო უფლებამოსილების განხორციელებამდე განვლილი გზის, დაძაბული შრომის, სისხლის სამართლის კანომდებლობის მნიშვნელოვანი ასპექტების, არასრულწლოვანთა მართლმსაჯულების, მოსამართლის მიერ მიღებული მნიშვნელოვანი გადაწყვეტილებების და სხვა საკითხების შესახებ. მოსწავლეები და სტუდენტები განსაკუთრებით დაინტერესდნენ მოსამართლის მორალური პასუხისლმგებლობის, შინაგანი მრწამსისა და კანონის უზენაესობის ასპექტებით, სასამართლო რეფორმის მიმდინარეობის პროცესით და ამ თვალსაზრისით საპროცესო კანონმდებლობაში შესული ცვლილებებით.
შეხვედრის შემდეგ სკოლების მოსწავლეებმა და სტუდენტებმა დაათვალიერეს უზენაესი სასამართლოს ისტორიული შენობა და მართლმსაჯულების მუზეუმი