საქართველოს უზენაესი სასამართლო
უკრაინელი მოსამართლეები სტუმრად უზენაეს სასამართლოში
გამოქვეყნებულია: 24/05/2012
2012 წლის 24 მაისს საქართველოს უზენაეს სასამართლოს უკრაინის უზენაესი სასამართლოს დელეგაცია ეწვია. უკრაინის უზენაესი სასამართლოს თავმჯდომარის მოადგილის ანატოლი იერემას ხელმძღვანელობით უკრაინელი მოსამართლეები გაეცნობიან ქართულ სასამართლო სისტემაში განხორციელებულ რეფორმას.
ვიზიტის ფარგლებში მხარეებმა ხელი მოაწერეს ურთიერთანამშრომლობის მემორანდუმს.
ქართულ სასამართლო სისტემაში განხორციელებული ცვლილებების უკეთ გაცნობის მიზნით უკრაინელი მოსამართლეები ეწვევიან იუსტიციის უმაღლეს საბჭოს, ასევე თბილისისა და მცხეთის საქალაქო სასამართლოებს.
ვიზიტი სამ დღეს გაგრძელდება. უკრაინის დელეგაცია სამშობლოში 26 მაისს დაბრუნდება.