საქართველოს უზენაესი სასამართლო

კაჭრეთში თანაშემწეებისთვის სემინარი გაიმართა

გამოქვეყნებულია: 12/12/2019

7-8 დეკემბერს, საერთაშრისო დონორი ორგანიზაციების, ევროკავშირის სასამართლო მხარდაჭერის პროექტის (მათ შორის Human Dinamics) და გერმანიის საერთაშორისო თანამშრომლობის საზოგადოების (GIZ) მხარდაჭერითა და ორგანიზებით, კაჭრეთში, სასატუმრო ,,კაჭრეთი ამბასადორში“, უზენაესი სასამართლოს მოსამართლეთა თანაშემწეებისთვის სემინარი გაიმართა: გადაწყვეტილების დასაბუთების სტანდარტები კომერციულ დავებზე არსებული პრაქტიკა და გაუმჯობესების პერსპექტივები.

სემინარებს უძღვებოდა უზენაესი სასამართლოს თავმჯდომარის მოვალეობის შემსრულებელი, სამოქალაქო საქმეთა საკასაციო პალატის თავმჯდომარე მზია თოდუა. სემინარზე განიხილეს ისეთი მნიშვნელოვანი საკითხები როგორიცაა; დავები კერძო სამართალში, მათი კლასიფიკაცია:კომერციული დავის ცნება და მისი განხილვის თავისებურებანი, საკანონმდებლო ბაზა, საპროცესო-სამართლებრივი საკითხები, კერძო სამართლის ნორმების ფუნქციური კლასიფიკაციის მნიშვნელობა სამოქალაქო დავებზე გადაწყვეტილების მიღებისას, სარჩელი, შესაგებელი, მტკიცების ტვირთის განაწილება, მტკიცების სტანდარტი: იურიდიული დასკვნების შედგენის მეთოდიკა და სხვა. სემინარი ორი დღის განმავლობაში მიმდინარეობდა.