საქართველოს უზენაესი სასამართლო
უზენაესი სასამართლოს მოსამართლეები ევროსაბჭოს ექსპერტს შეხვდნენ
გამოქვეყნებულია: 29/11/2019
დღეს 29 ნოემბერს, უზენაესი სასამართლოს გიორგი ბრწყინვალეს სახელობის დარბაზში ევროპის საბჭოს იურიდიული პროფესიის გაძლიერების პროექტის საერთაშორისო ექსპერტი არმან ზვრანდიანი უზენაესი სასამართლოს ადმინისტრაციულ საქმეთა საკასაციო პალატის თავმჯდომარეს ვასილ როინიშვილსა და სისხლის სამართლის საქმეთა საკასაციო პალატის მოსამართლეს გიორგი შავლიაშვილს შეხვდა. საერთაშორისო ექსპერტი დაინტერესდა საქართველოში ადვოკატთა პროფესიული საქმიანობისა და ამ მიმართულებით მოქმედი კანონმდებლობის კონკრეტული დეტალებით, აგრეთვე ადვოკატთა მიმართ დისციპლინური პასუხისმგებლობის საკითხებით. მოსამართლეებმა ვასილ როინიშვილმა და გიორგი შავლიაშვილმა დეტალური ინფორმაცია მიაწოდეს ევროსაბჭოს ექპერტს შეხვედრაზე დასმულ მნიშვნელოვან საკითხებთან დაკავშირებით.