საქართველოს უზენაესი სასამართლო

უზენაეს სასამართლოს თსუ-ს სტუდენტები ეწვიენ

გამოქვეყნებულია: 28/11/2019

27 ნოემბერს საქართველოს უზენაეს სასამართლოს თბილისის სახელმწიფო უნივერსიტეტის იურიდიული ფაკულტეტის სტუდენტები ეწვიენ. სტუდენტებს შეხვდა და ესაუბრა უზენაესი სასამართლოს სამართლებრივი მხარდაჭერის ხელმძღვანელი ლია ყიფიანი, რომელმაც დეტალური ინფორმაცია მიაწოდა სტუდენტებს უზენაესი სასამართლოს ფუნქციის, საქმიანობის, მოსამართლის როლისა და პროფესიული უფლება-მოვალეობების შესახებ. სტუდენტები დაინტერესდნენ ქვეყანაში მიმდინარე სასამართლო რეფორმის  მიმდინარეობის პროცესითა და იმ გამოწვევებით, რაც დღეს მართლმაჯულების წინაშე არსებობს. შეხვედრის დასასრულს სტუდენტებმა დაათვალიერეს უზენაესი სასამართლოს ისტორიული შენობა და ,,მართლმსაჯულების მუზეუმი“.