საქართველოს უზენაესი სასამართლო
,,ქორთიარდ მარიოტში“ სამუშაო შეხვედრა გაიმართა
გამოქვეყნებულია: 14/06/2019
12 ივნისს, თბილისში, სასტუმრო ,,ქორთიარდ მარიოტში“ გაიმართა ევროპის საბჭოსა და სახალხო დამცველის ოფისის მიერ ორგანიზებული სამუშაო შეხვედრა, რომელიც ეხებოდა „ადამიანის უფლებათა ევროპული სასამართლოს გადაწყვეტილებათა აღსრულებას და მთავარ გამოწვევებს საქმეთა ჯგუფის შესახებ: „იდენტობა და სხვები საქართველოს წინააღმდეგ" საკითხს.
შეხვედრას ესწრებოდნენ იუსტიციისა და შინაგან საქმეთა სამინისტროების, პროკურატურის და უზენაესი სასამართლოს წარმომადგენლები. შეხვედრაში ასევე მონაწილეობდნენ არასამთავრობო ორგანიზაციების წარმომადგენლები. სამუშაო შეხვედრის მონაწილეებმა ისაუბრეს ადამიანის უფლებათა ევროპული სასამართლოს გადაწყვეტილებათა აღსრულების საკითხებზე და იმ კონკრეტულ ღონისძიებებზე, რომელსაც ატარებენ აღნიშნული უწყებები.
უზენაესი სასამართლოდან შეხვედრაში მონაწილეობდნენ ანალიტიკური განყოფილების უფროსი მარინე კვაჭაძე, ადამიანის უფლებათა ცენტრის მთავარი კონსულტანტი ეკა მამალაძე და ამავე ცენტრის კონსულტანტი ნიკო დათეშიძე.