საქართველოს უზენაესი სასამართლო
კსუ-ს სტუდენტები უზენაეს სასამართლოს ესტუმრნენ
გამოქვეყნებულია: 04/06/2019
30 მაისს საქართველოს უზენაეს სასამართლოს ეწვიენ კავკასიის საერთაშორისო უნივერსიტეტის სამართლის ფაკულტეტის „იურიდიული კლინიკის“ პროგრამის სტუდენტები, რომლებმაც დაათვალიერეს უზენაესი სასამართლოს ისტორიული შენობა, გაეცნენ სასამართლოს მართლმსაჯულების მუზეუმში დაცულ ისტორიულ ექსპონატებს და მოისმინეს უზენაეს სასამართლოში განხილული პრეცენდენტული საქმეების შესახებ ინფორმაცია.
სამართლის ფაკულტეტის სტუდენტებს შეხვდა და მოსამართლის პროფესიის თავისებურებებზე ესაუბრა, უზენაესი სასამართლოს თავმჯდომარის მოვალეობის შემსრულებელი, სამოქალაქო საქმეთა პალატის თავმჯდომარე მზია თოდუა, რომელმაც უპასუხა სტუდენტთა საინტერესო კითხვებს, გაუზიარა მათ თავისი აზრი კანონმდებლობის ზოგიერთ საკითხთან დაკავშირებით, გაიხსენა საინტერესო მომენტები თავისი პროფესიული პრაქტიკიდან.