საქართველოს უზენაესი სასამართლო

ბავშვის უფლებათა განმარტებითი ლექსიკონი-ცნობარი

გამოქვეყნებულია: 13/05/2019

საქართველოს უზენაესი სასამართლოს ანალიტიკური განყოფილების კვლევისა და ანალიზის ცენტრის ფარგლებში გამოიცა ბავშვის უფლებათა განმარტებითი ლექსიკონი-ცნობარი.

ბავშვის უფლებათა განმარტებითი ლექსიკონი-ცნობარი ბავშვებთან მიმართებით, სამართალწარმოების თავისებურებების გათვალისწინებით, განმარტავს 300-ზე მეტ ძირითად სამართლებრივ და ფსიქოლოგიურ ტერმინს. ნაშრომი მიზნად ისახავს ტერმინოლოგიის შინაარსობრივად მოცულობითი თუმცა, ამავდროულად, კომპაქტური განმარტებების გზით, გადმოსცეს საერთაშორისო ინსტრუმენტებითა და ეროვნული კანონმდებლობით დაცული ბავშვის უფლებების შესახებ სრულყოფილი ინფორმაცია.

წინამდებარე პუბლიკაცია საერთაშორისოსამართლებრივ დოკუმენტებზე დაყრდნობით, გამდიდრებულია ბავშვის უფლებების სწრაფი განვითარების კვალდაკვალ დაგროვილი გამოცდილებით.

ბავშვის უფლებათა განმარტებითი ლექსიკონი-ცნობარი განკუთვნილია როგორც მართლმსაჯულების სისტემაში მომუშავე პირთათვის, ისე ფართო პროფილის იურისტებისა და საკითხით დაინტერესებული საზოგადოებისათვის.

ავტორები იმედოვნებენ, რომ წინამდებარე პუბლიკაცია ყოველდღიურ პრაქტიკულ დახმარებას გაუწევს მის მომხმარებელს და ხელს შეუწყობს ბავშვის უფლებების პატივისცემასა და პრაქტიკის შემდგომ განვითარებას.

იხ. პუბლიკაცია სრულად