საქართველოს უზენაესი სასამართლო
მოსამართლე პაატა სილაგაძე მოსწავლეებს შეხვდა
გამოქვეყნებულია: 18/04/2019
17 აპრილს საქართველოს უზენაეს სასამართლოს თბილისის 51-ე საჯარო სკოლის მეათეკლასელები და მათი პედაგოგები ეწვივნენ. მოსწავლეებს ისტორიულ დარბაზში უმასპინძლა და საინტერესო თემებზე ესაუბრა უზენაესი სასამართლოს სისხლის სამართლის საკასაციო პალატის მოსამართლე პაატა სილაგაძე. მოსწავლეები დაინტერესდნენ მოსამართლის პროფესიის სირთულეებითა და განსაკუთრებული მოთხოვნებით, რაც ამ პროფესიის ადამიანებს მუშაობის პროცესში ხვდებათ. მოსამართლე პაატა სილაგაძემ მოსწავლეებს დეტალურად მიაწოდა ინფორმაცია მის მიერ, როგორც მოსამართლის, განვლილი გზის შესახებ, იმ საქმეების შესახებ, რომლებიც მას დაამახსოვრდა პროფესიული მოვალეობის შესრულებისას, ესაუბრა სასჯელის შეფარდების, გადაწყვტილების დასაბუთების, სისხლის სამართლის პროცესის წაყვანის კონკრეტული ნიუანსების შესახებ. მოსწავლეებმა ასევე დაათვალიერეს უზენაესი სასამართლოს ისტორიული შენობა და მართლმსაჯულების მუზეუმი.