საქართველოს უზენაესი სასამართლო
საქართველოს უზენაეს სასამართლოს ნორვეგიის უზენაესი სასამართლოს წარმომადგენლები სტუმრობენ
გამოქვეყნებულია: 24/04/2012
2012 წლის 24 აპრილს საქართველოს უზენაესი სასამართლოს თავმჯდომარე კონსტანტინე კუბლაშვილი ნორვეგიის უზენაესი სასამართლოს თავმჯდომარეს ტურე შაის და სხვა ნორვეგიელ კოლეგებს შეხვდა. ნორვეგიელი მოსამართლეების ორდღიანი სამუშაო ვიზიტი ძირითადად ორი ქვეყნის საკასაციო სასამართლოების მუშაობის ძირითად პრინციპებს, აქტუალური საკითხების განხილვასა და მომავალ თანამშრომლობას შეეხება.
25 აპრილს კი სასტუმრო „შერატონ მეტეხი პალასში“ საქართველოსა და ნორვეგიის სასამართლოების, ასევე საქართველოში მოქმედი საერთაშორისო და არასამთავრობო ორგანიზაციების წარმომადგენელთა მონაწილეობით გაიმართება კონფერენცია თემაზე: „უზენაესი სასამართლოების მიერ საკუთარი გადაწყვეტილებების გამოყენება და ევროსასამართლოს გადაწყვეტილებები საქართველოსა და ნორვეგიაში“.