საქართველოს უზენაესი სასამართლო
მოსამართლე გიორგი შავლიაშვილი სტუდენტებს შეხვდა
გამოქვეყნებულია: 10/04/2019
მიმდინარე წლის 4 აპრილს უზენაეს სასამართლოს საქართველოს დავით აღმაშნებლის სახელობის უნივერსიტეტის (სდასუ) ჟურნალისტიკის ფაკულტეტის სტუდენტები ეწვივნენ. სტუდენტებმა დაათვალიერეს უზენაესი სასამართლოს ისტორიული შენობა და შეხვდნენ უზენაესი სასამართლოს სისხლის სამართლის საქმეთა საკასაციო პალატის მოსამართლე გიორგი შავლიაშვილს.
სტუდენტები დაინტერესდნენ სასამართლო სისტემაში მიმდინარე რეფორმების პროცესით, სისხლის სამართლის კანონმდბლობაში განხორციელებული ცვლილებებით, უვადო თავისუფლების აღკვეთის ღონისძიებასთან დაკავშირებული დეტალებით, მოსამართლის პროფესიის სირთულეებითა და განსაკუთრებული გარემოებების შესახებ ინფორმაციით.
მოსამართლე გიორგი შავლიაშვილმა დეტალური ინფორმაცია მიაწოდა სტუდენტებს დასმულ შეკითხვებზე, უამბო იმ დიდი პროფესიული გზისა და გამოცდილების შესახებ, რაც მან მიიღო სტუდენტობის პერიოდიდან მოსამართლის მანტიამდე. სტუდენტებმა ასევე დაათვალიერეს უზენაესი სასამართლოს მართლმსაჯულების მუზეუმი და გაეცნენ მუზეუმში დაცულ ექსპონატებს.