საქართველოს უზენაესი სასამართლო

უზენაეს სასამართლოს თურქეთის დელეგაცია ესტუმრა

გამოქვეყნებულია: 12/04/2012

2012 წლის 12 აპრილს უზენაესი სასამართლოს თავმჯდომარე კონსტანტინე კუბლაშვილმა თურქეთის იუსტიციის სამინისტროსა და თურქეთის საგარეო და სამართლის დეპარტამენტის დელეგაციას უმასპინძლა.
სტუმრებს შორის იყვნენ: თურქეთის იუსტიციის მინისტრის მოადგილე კენან ოზდემირი, იუსტიციის აკადემიის პრეზიდენტი ჰუსეინ ილდირიმი, საერთაშორისო სამართლისა და საგარეო ურთიერთობების გენერალური დირექტორატის გენერალური დირექტორი და მომკვლევი მოსამართლე.
უზენაესი სასამართლოს თავმჯდომარემ სტუმრებს სასამართლოში მიმდინარე რეფორმები და მიმდინარე პროექტები გააცნო. კონსტანტინე კუბლაშვილმა ისაუბრა მოსამართლეთა შერჩევისა და სწავლების, იუსტიციის უმაღლეს საბჭოში განხორციელებული ცვლილებების, ასევე, ნაფიც მსაჯულთა სასამართლოს ამოქმედების შესახებ.
თურქული დელეგაციის ვიზიტი საქართველოში 13 აპრილს დასრულდება.