საქართველოს უზენაესი სასამართლო
სასამართლოს ეფექტიან მენეჯმენტზე სამუშაო შეხვედრა გაიმართა
გამოქვეყნებულია: 26/07/2018
18 ივლისს, სასტუმრო ,,რუმსში“, ევროკავშირის სასამართლო რეფორმის მხარდაჭერის პროექტის ფარგლებში, უზენაესი სასამართლოსა და საქართველოს იუსტიციის უმაღლესი საბჭოს ერთობლივი ორგანიზებით სასამართლოთა პერსონალისთვის სამუშაო შეხვედრა გაიმართა, რომელიც ,,სასამართლოს მომხმარებელთა კვლევას, კომუნიკაციას და სასამართლოს ეფექტიან მენეჯმენტს“ მიეძღვნა. შეხვედრას უძღვებოდა პროექტის ესპერტი, სლოვენიის უზენაესი სასამართლოს წარმომადგენელი იაშა ვრაბეცი.
შეხვედრის მონაწილეებს მიესალმენ საქართველოს იუსტიციის უმაღლესი საბჭოს მდივანი გიორგი მიქაუტაძე და ევროკავშირის პროექტის ხელმძღვანელის მოადგილე მაია ჩოჩუა. სლოვენიის უზენაესი სასამართლოს წარმომადგენელმა, პროექტის ექსპერტმა იაშა ვრაბეცმა შეხვედრის მონაწილეებს რამდენიმე თემაზე წარუდგინა მოხსენება, კერძოდ: სასამართლოს მომხმარებელთა კვლევა და კომუნიკაცია სასამართლოსა და მომხმარებელს შორის, სტატისტიკის და ინფორმაციის შეგროვება სასამართლოს ნდობის საკითხის ანალიზის კუთხით, სასამართლოს ეფექტიანი მენეჯმენტი, სასამართლოს ეფექტურობა და სასამართლოსადმი ნდობის ძირითადი ინდიკატორები.