საქართველოს უზენაესი სასამართლო
კონკურენციის სამართალში ტრენინგი გაიმართა
გამოქვეყნებულია: 02/07/2018
მიმდინარე წლის 1 ივლისს, სასტუმრო ,,თბილისი მარიოტში“, არასამთავრობო ორგანიზაცია ,,საერთაშორისო გამჭვირვალობა საქართველოში“ ორგანიზებით და ნორვეგიის სამეფოს საგარეო საქმეთა სამინისტროს ფინანსური მხარდაჭერით დოქტორმა ფილიპ ტუიტშევერმა ტრენინგი გამართა კონკურენციის სამართალში. ტრენინგში მონაწილეობდნენ საქართველოს უზენაესი სასამართლოს მოსამართლეთა თანაშემწეები.
წარმოდგენილ საკითხებს შორის მსმენელთა შორის განსაკუთრებული დაინტერესება გამოიწვია შემდეგმა საკითხებმა: კონკურენტებს შორის ჰორიზონტალური შეთანხმებები, აკრძალული ჰორიზონტალური შეთანხმებები (კარტელები), თანამშრომლობის ჰორიზონტალური შეთანხმებები (თვითშეფასება), ვერტიკალური შეთანხმებები გამყიდველებსა და მყიდველებს შორის, მკაცრი შეზღუდვები (ფასზე შეთანხმებები, სამომხმარებლო და ტერიტორიული შეზღუდვები, არაკონკურენტული ვალდებულებები), დისტრიბუციის ფორმულები, ელექტრონული ვაჭრობა, დომინანტური მდგომარეობა, ბოროტად გამოყენება (ექსკლუზივები და ექსპლოატაცია), კონკურენციის კანონმდებლობის დარღვევისთვის გათვალისწინებული სანქციები, საჯარო აღსრულება, კერძო აღსრულება, მტკიცების სტანდარტი და ტვირთი კონკურენციის სამართლის შემთხვევებში.