საქართველოს უზენაესი სასამართლო
თბილისის საქალაქო სასამართლოს მიმდინარე მშენებლობის შესახებ
გამოქვეყნებულია: 20/06/2018
ამჟამად თბილისის საქალაქო სასამართლოს ტერიტორიაზე სამოქალაქო საქმეთა დავების კოლეგიისათვის განკუთვნილი ახალი, ოთხსართულიანი ფლიგელის მიშენების სამშენებლო-სარეაბილიტაციო სამუშაოები მიმდინარეობს, რომლის საპროექტო ფართი 4200 კვ.მ.-ია. დღეის მდგომარეობით ძირითადი სამუშაოები დასრულებულია და მიმდინარეობს შიდა და გარე მოპირკეთება. ამ პროექტის ფარგლებში ახალ შენობაში მოეწყობა 24 სამოქალაქო საქმეთა დავების განხილვისათვის საჭირო სხდომათა დარბაზი, მათ შორის 1 დიდი - ბიზნეს დავებისათვის. შენობაში იქნება 40 ერთეულამდე მოსამართლის სამუშაო ოთახი, 35 ერთეულამდე სასამართლოს აპარატის თანამშრომლებისათვის სამუშაო სივრცე, სადაც განთავსდება 120 ერთეული თანამშრომელი.
პროექტის ღირებულებაა 5 117 500 (ხუთი მილიონ ასჩვიდმეტი ათას ხუთასი ლარი). შენობის გახსნა მიმდინარე წლის 23 ნოემბერსაა დაგეგმილი. აღნიშნული პროექტი ერთ-ერთი უდიდესი სამშენებლო პროექტია, რაც კი დღემდე დამოუკიდებელი საქართველოს ისტორიაში განხორციელებულა სასამართლო სისტემაში.