საქართველოს უზენაესი სასამართლო

ფიცის დადების ცერემონია უზენაეს სასამართლოში

გამოქვეყნებულია: 06/03/2012

2012 წლის 6 მარტს, უზენაეს სასამართლოში ფიცის დადების ცერემონია გაიმართა. იუსტიციის უმაღლესი სკოლის კურსდამთავრებულები: ნინო ნაჭყებია, ქეთევან მამაცაშვილი, გენადი მაკარიძე და ეკატერინე ჯინჭველაშვილი პირველი ინსტანციის სასამართლოებში, კერძოდ, თბილისის, ქუთაისის და ბათუმის საქალაქო სასამართლოებში დაინიშნენ მოსამართლეებად.
2012 წლის დასაწყისიდან შეიცვალა მოსამართლის მანტიის ფერი და უკვე სამივე ინსტანციის მოსამართლეები შავი ფერის მანტიებით არიან შემოსილები. ამ ცვლილებამდე პირველი ინსტანციის მოსამართლეები შინდისფერ მანტიას, სააპელაციო სასამართლოს მოსამართლეები - მწვანეს და უზენაესი სასამართლოს მოსამართლეები შავი ფერის მანტიას ატარებდნენ.