საქართველოს უზენაესი სასამართლო

მოსამართლეთა თანაშემწეებს სერტიფიკატები გადაეცათ

გამოქვეყნებულია: 30/01/2018

დღეს 30 იანვარს, საქართველოს უზენაესი სასამართლოს გიორგი ბრწყინვალეს სახელობის დარბაზში, ბრიტანეთის საბჭოს წარმომადგენელმა სტივენ შელმა საზეიმოდ გადასცა სერტიფიკატები უზენაესი სასამართლოს იმ მოსამართლეთა თანაშემწეებს, რომლებმაც ბრიტანეთის საბჭოს პედაგოგების ჩართულობით წარმატებით გაიარეს იურიდიული ინგლისურის კურსი. იურიდიული ინგლისურის სასწავლო კურსში მონაწილეობა მიიღო 7-მა თანაშემწემ. როგორც შეხვედრაზე უზენაესი სასამართლოს მენეჯერმა ნატო ლომთათიძემ განაცხადა, უზენაესი სასამართლოს აპარატის ხელმძღვანელობა კვლავაც დაუჭერს  მხარს თანამშრომელთა მონაწილეობას მსგავს პროექტებში, როგორც უცხო ენის სრულყოფის, ისე პროფესიული კვალიფიკაციის განვითარების კუთხით.

ბრიტანეთის საბჭო, როგორც ორგანიზაცია, უკვე 25 წელია საქართველოში მოღვაწეობს და სხვადასხვა მნიშვნელოვანი პროექტების განხორციელებით ხელს უწყობს დიდ ბრიტანეთსა და საქართველოს შორის კულტურული და საგანმანათლებლო ურთიერთობების განვითარებას.