საქართველოს უზენაესი სასამართლო

დანიელი ექსპერტი იესპერ ვიტრუპი მოსამართლეებს შეხვდა

გამოქვეყნებულია: 03/10/2017

3 ოქტომბერს საქართველოს უზენაეს სასამართლოს სამართლებრივი  თანამშრომლობის ფარგლებში, ამერიკის შეერთებული შტატების საერთაშორისო განვითარების სააგენტოს სამართლებრივი  პროექტის (PROLOG)-ის მხარდაჭერით, ეწვია დანიელი ექსპერტი იესპერ ვიტრუპი, რომელმაც შეხვედრები გამართა საქართველოს უზენაესი სასამართლოს მოსამართლეებთან და აპარატის თანამშრომლებთან, მოსამართლეებისა და სასამართლო მოხელეთა საჭირო რაოდენობის განსაზღვრის კვლევის პირველი ეტაპის საკითხებთან დაკავშირებით. უზენაესი სასამართლოს მოსამართლეთა სახელით დანიელ ექსპერტს მიესალმა უზენაესი სასამართლოს სამოქალაქო საქმეთა პალატის მოსამართლე ეკატერინე გასიტაშვილი. შეხვედრაში მონაწილეობდნენ უზენაესი სასამართლოს სამოქალაქო საქმეთა პალატის მოსამართლეები, მართლმსაჯულების ეფექტურობის ევროპულ კომისიაში  საქართველოს წარმომადგენელი ნინო ბაქაქური და ზურაბ ძლიერიშვილი. ეკატერინე გასიტაშვილმა ექსპერტს მიაწოდა დეტალური ინფორმაცია სასამართლო სისტემაში განხორციელებული იმ მნიშვნელოვანი რეფორმების შესახებ, რამაც შესაძლებელი გახადა სასამართლო სისტემის ხარისხობრივი გაუმჯობესება, დამოუკიდებელი და  ეფექტური მართლმსაჯულების ჩამოყალიბებისათვის. საუბარი შეეხო სასამართლო სისტემის ეტაპობრივი სტრუქტურული რეორგანიზაციის, ელექტრონული სამართალწარმოების სისტემის დანერგვის, სასამართლო სისტემის მატერიალურ-ტექნიკური ბაზის სრულყოფისა და განვითარების, მოსამართლეთა რაოდენობის, სასამართლო საქმთა განხილვის ვადებთან დაკავშირებულ პრობლემურ საკითხებს.

მოსამართლეებმა მოისმინეს ექსპერტის სამუშაო გამოცდილების მნიშვნელოვანი ასპექტები. 

შეხვედრას ესწრებოდა  ამერიკის შეერთებული შტატების საერთაშორისო განვითარების სააგენტოს სამართლებრივი  პროექტის (PROLOG)-ის ხელმღვანელი მოადგილე ნილ ვანსტაინი.