საქართველოს უზენაესი სასამართლო

უზენაეს სასამართლოში ყაზახეთის იუსტიციის სამინისტროს წარმომადგენლები მიიღეს

გამოქვეყნებულია: 02/10/2017

დღეს 2 ოქტომბერს, საქართველოს უზენაეს სასამართლოში, უზენაესი სასამართლოს სისხლის სამართლის საკასაციო პალატის მოსამართლეებმა გიორგი შავლიაშვილმა, პაატა სილაგაძემ და სისხლის სამართლის საქმეთა პალატის კონსულტანტმა დავით სულაქველიძემ შეხვედრა გამართეს ყაზახეთის იუსტიციის სამინისტროს საკანონმდებლო ინსტიტუტის წარმომადგენლებთან ამიტ უმაროვთან და ზარაბ კაზიევთან, რომლებიც სამუშაო ვიზიტის ფარგლებში იმყოფებიან საქართველოში.

შეხვედრაზე ისაუბრეს წინასასამართლო გამოძიების პერიოდში სასამართლოს მიერ გაწეული კონტროლის შესახებ. სტუმრები დაინტერესდნენ წინასასამართლო საქმეთაწარმოების სასამართლო კონტროლის განხორციელების გზებისა და ფარული საგამოძიებო მოქმედებების კონტროლის მექანიზმის შესახებ სასამართლოს მხრიდან, სასამართლო საქმეების დაჩქარებული განხილვის ფორმების, მათი განსხვავებებისა და თავისებურებების შესახებ, ასევე წინასწარი გამოძიების სტადიაზე მტკიცებულებების მოპოვებისას დაშვებული არებითი საპროცესო დარღვევების შეფასების საკითხის თაობაზე, წინასასამართლო სხდომაზე მოსამართლის მიერ მტკიცებულებათა დასაშვებობის გადაწყვეტისას. 

მოსამართლეებმა სტუმრებს გაუზიარეს ინფორმაცია აღნიშნული საკითხების შესახებ, ისაუბრეს საქართველოს კანონმდებლობითა და სისხლის სამართლის საპროცესო კოდექსით განსაზღვრულ ნორმებსა და არსებულ პრაქტიკაზე.

სტუმრები შეხვედრის შემდეგ ეწვიენ უზენაესი სასამართლოს მართლმსაჯულების მუზეუმს და დაათვალიერეს სასამართლოს ისტორიული შენობის ღირსშესანიშნაობები.