საქართველოს უზენაესი სასამართლო
მომზადდა ბიზნესდავებზე სასამართლოს გადაწყვეტილებათა პრაქტიკული ანალიზი
გამოქვეყნებულია: 25/07/2017
ბიზნესდავებზე სასამართლო გადაწყვეტილებათა სამართლებრივი კვლევის იდეა უკავშირდება ამ კატეგორიის დავებზე არსებული აქტუალური და ზოგიერთ შემთხვევაში, პრობლემური საკითხების წარმოჩენას.
ერთგვაროვანი სასამართლო პრაქტიკა, განჭვრეტადი და გონივრული კანონმდებლობა წაახალისებს ქვეყანაში ინვესტორებსა და ბიზნესის წარმოებით დაინტერესებულ სხვა პირებს, რომელთათვისაც უმნიშვნელოვანესია სახელმწიფოს სამართლებრივი ურთიერთობა და კომპანიების საქმიანობაზე ზეგავლენის მქონე შიდა ფაქტორები - ეროვნული კანონმდებლობა და სასამართლო პრაქტიკა.
ამ კატეგორიის დავებზე სასამართლო გადაწყვეტილებით დადგენილი პრაქტიკული საკითხებით დაინტერესდებიან, როგორც მოქმედი მოსამართლეები, ისე პრაქტიკოსი იურისტები და ბიზნესწრეების წარმომადგენლები.
განხორციელებული კვლევა დაეხმარება მათ სასამართლო პრაქტიკით დადგენილი სამართლებრივი საკითხების უკეთ გააზრებასა და აღქმაში, აგრეთვე, კონფლიქტური სიტუაციების მართებულად გადაწყვეტაში.