საქართველოს უზენაესი სასამართლო
უზენაეს სასამართლოს მრავალშვილიანი ოჯახების შვილები ესტუმრნენ
გამოქვეყნებულია: 05/06/2017
3 ივნისს საქართველოს უზენაეს სასამართლოში, მართლმსაჯულების მიზეუმში, ბავშვთა საერთაშორისო დღესთან დაკავშირებით, თბილისში მცხოვრები მრავალშვილიანი ოჯახების შვილებისათვის საგანგებო ექსკურსია მოეწყო. ღონისძიებას ორგანიზება გაუწია ,,საბურთალოს წმინდა გიორგის სახელობის მრავალშვილიანი დედების“ ორგანიზაციამ 12 შვილის დედის ნინო ბზვანელის ხელმძღვანელობით.
მრავალშვილიანი ოჯახების წარმომადგენლებმა დაათვალიერეს საქართველოს უზენაესი სასამართლოს ისტორიული შენობა, ეწვივნენ მართლმსაჯულების მუზეუმს, სადაც გაეცნენ ქართული სამართლის როგორც საერო, ისე საეკლესიო წყაროებს, ასევე მოისმინეს საჯარო ლექცია მართლმსაჯულების შესახებ.