საქართველოს უზენაესი სასამართლო
სასამართლოს ანალიტიკური განყოფილების თანამშრომლებისთვის ტრენინგი გაიმართა
გამოქვეყნებულია: 02/06/2017
მიმდინარე წლის 2 ივნისს თბილისში, სასტუმრო „თბილისი მერიოტში “ ევროკავშირისა და ევროპის საბჭოს მხარდაჭერითგაიმართა ტრენინგი თემაზე: „სამართლებრივი კვლევა, სამართლებრივი ანალიზი“. ღონისძიებაში მონაწილეობა მიიღეს საქალაქო, სააპელაციო ანალიტიკური სამსახურებისა და უზენაესი სასამართლოს ანალიტიკური განყოფილების თანამშრომლებმა. ტრენინგს ესწრებოდნენ იუსტიციის უმაღლესი საბჭოსა და იუსტიციის უმაღლესი სკოლის წარმომადგენლები.
ტრენინგზე განიხილეს ისეთი მნიშვნელოვანი საკითხები, როგორიცაა: სამართლებრივი დოკუმენტების ენობრივი თავისებურებები, ანალიტიკური ტექსტების ენობრივ-სტრუქტურული შეფასებები, უცხოენოვანი ტექსტების ქართული თარგმანის ტექნიკა და სხვა. ღონისძიების მონაწილეებმა ასევე მოისმინეს ინფორმაცია ევროპული სასამართლოს მიერ სამართალწარმოების ეტაპების, ევროპული სასამართლოს მიერ ქართულ პრეცედენტულ სამართალში გამოვლენილი მნიშნელოვანი ასპექტებისა და სისტემური/სტრუქტურული დარღვევების შესახებ.
ანალიტიკური განყოფილების თანამშრომლებისთვისტრენინგი ,,სამართლებრივი კვლევა, სამართლებრივი ანალიზი“ ხვალ 3 ივნისსაც გაგრძელდება.