საქართველოს უზენაესი სასამართლო

უზენაეს სასამართლოში სასამართლოს პლენუმის სხდომა გაიმართა

გამოქვეყნებულია: 08/05/2017

მიმდინარე წლის 8 მაისს, საქართველოს უზენაეს სასამართლოში, სასამართლოს პლენუმის სხდომა გაიმართა.

პლენუმის სხდომის დღის წესრიგით გათვალისწინებული იყო საკვალიფიკაციო პალატის თავმჯდომარისა და წევრების არჩევა.

„საერთო სასამართლოების შესახებ“ საქართველოს ორგანული კანონის მე-18 და მე-19¹ მუხლის მე-2 და მე-3 პუნქტების საფუძველზე, პლენუმის წევრთა მიერ საკვალიფიკაციო პალატის თავმჯდომარისა და წევრობის კანდიდატებად დასახელდნენ უზენაესი სასამართლოს მოსამართლეები პაატა სილაგაძე, ეკატერინე გასიტაშვილი  და ვასილ როინიშვილი.

პლენუმის მიერ საკვალიფიკაციო პალატის თავმჯდომარედ არჩეულ იქნა უზენაესი სასამართლოს მოსამართლე პაატა  სილაგაძე, ხოლო წევრებად უზენაესი სასამართლოს მოსამართლეები ეკატერინე გასიტაშვილი და ვასილ როინიშვილი.

აღსანიშნავია, რომ ,,საერთო სასამართლოების შესახებ“ საქართველოს ორგანულ კანონში განხორციელებული ცვლილებით საკვალიფიკაციო პალატის შემადგენლობა აირჩევა 3 წლიანი უფლებამოსილების ვადით.