საქართველოს უზენაესი სასამართლო

ტრენინგი უზენაეს სასამართლოში

გამოქვეყნებულია: 17/03/2017

2017 წლის 17 მარტს, საქართველოს უზენაესმა სასამართლომ, ევროპის საბჭოს პროექტის „საქართველოში ადამიანის უფლებათა ევროპული კონვენციის გამოყენება და ეროვნული კანონმდებლობისა და სასამართლო პრაქტიკის შესაბამისობაში მოყვანა ევროპულ სტანდარტებთან“ მხარდაჭერით ჩაატარა ტრენინგი თემაზე „საკუთრების  უფლების დაცვის  ევროპული სტანდარტები“. ტრენინგის უძღვებოდა ევროსაბჭოს მიერ მოწვეული ექსპერტი მარეკ ანტონი ნოვიკი.  ექსპერტმა  ტრენინგის მონაწილეებს ევროპის ადამიანის უფლებათა  კონვენციით დაცული  ძირითადი უფლებების თაობაზე ზოგადი მიმოხილვა და ადამიანის უფლებათა ევროპული სასამართლოს ბოლო დროინდელი მნიშვნელოვანი გადაწყვეტილებები გააცნო.

ტრენინგი,  განკუთვნილი იყო უზენაესი სასამართლოს მოსამართლეების, სამოქალაქო  და ადმინისტრაციული სამართლის საქმეთა პალატისა და კანცელარიის თანამშრომლებისთვის.

ტრენინგის დასრულების შემდეგ,  ევროპის საბჭოს მიერ მოწვეულმა ექსპერტმა, ბატონმა მარეკ ანტონი ნოვიკიმ მონაწილეებს საზეიმო ვითარებაში გადაცა სერთიფიკატები.