საქართველოს უზენაესი სასამართლო
უზენაესმა სასამართლომ უმაღლეს სასწავლებლებთან ურთიერთთანამშრომლობის მემორანდუმი გააფორმა
გამოქვეყნებულია: 20/12/2011
2011 წლის 20 დეკემბერს, უზენაეს სასამართლოში, კონსტანტინე კუბლაშვილმა უმაღლეს საგანმანათლებლო სასწავლებლის ხელმძღვანელებთან ერთად ურთიერთთანამშრომლობის მემორანდუმს მოაწერა ხელი.
2012 წლიდან დაგეგმილია, უფრო აქტიური გახდეს სასამართლოებსა და უმაღლეს სასწავლებლებს შორის ურთიერთობა.
ურთიერთანამშრომლობის მემორანდუმის მიზანია კვალიფიციური იურიდიული განათლების ხელშეწყობა, ერთობლივი პროგრამების დაგეგმვა და განხორციელება, რომელიც მიმართულია სამართლებრივი კვლევების, საგანმანათლებლო საქმიანობისა და სტუდენტების პროფესიული განვითარების ხელშეწყობისკენ.
მემორანდუმი გაფორმდა: ივანე ჯავახიშვილის სახელობის თბილისის სახელმწიფო უნივერსიტეტთან, საქართველოს უნივერსიტეტთან, კავკასიის უნივერსიტეტთან, დავით აღმაშენებლის სახელობის უნივერსიტეტთან, თავისუფალ უნივერსიტეტთან, სოხუმის სახელმწიფო უნივერსიტეტთან, აგრარულ უნივერსიტეტთან, გორის სასწავლო უნივერსიტეტთან, შავი ზღვის საერთაშორისო უნივერსიტეტთან.