საქართველოს უზენაესი სასამართლო
ქართველი და გერმანელი მოსამართლეების მონაწილეობით შრომის სამართლის აქტუალურ საკითხებზე დისკუსია გაიმართა
გამოქვეყნებულია: 10/10/2016
ივანე ჯავახიშვილის თბილისის სახელმწიფო უნივერსიტეტისიურიდიული ფაკულტეტის თანამედროვე კერძო სამართლის ინსტიტუტის ორგანიზებით, 2016 წლის 10 ოქტომბერს შედგა შეხვედრა გერმანელ მოსამართლეთა დელეგაციასთან.
შეხვედრის მონაწილეებს მიესალმენ და კერძო სამართლის აქტუალურ საკითხებზე მოხსენებით წარსდგნენ ფაკულტეტის დეკანი, პროფესორი ირაკლი ბურდული, ინსტიტუტის დირექტორი, პროფესორი ბესარიონ ზოიძე და საქართველოს უზენაესი სასამართლოს თავმჯდომარის მოადგილე, სამოქალაქო საქმეთა პალატის თავმჯდომარე მზია თოდუა.
გერმანელ მოსამართლეების მიეწოდათ ინფორმაცია ქართულ შრომის სამართალში ფაკულტეტის კვლევით პროექტებსა და გამოცემულ პუბლიკაციებზე. უზენაესი სასამართლოს სამოქალაქო საქმეთა პალატის თავმჯდომარემ ისაუბრა შრომით დავებთან დაკავშირებით სასამართლო პრაქტიკის უახლეს ტენდენციებზე, რის შემდეგადაც, გაიმართა დისკუსია.
გერმანელი მოსამართლეები დაინტერესდნენ ქართული შრომის სამართლის კოდექსის რეფორმის შედეგად დანერგილი სიახლეებითა და უზენაესი სასამართლოს პრაქტიკით.
შეხვედრას ესწრებოდნენ საქართველოს საერთო სასამართლოების მოსამართლეები, თანამედროვე კერძო სამართლის ინსტიტუტის წევრები, ფაკულტეტის პროფესორ-მასწავლებლები და სტუდენტები.